Mu bijyanye n’imikorere yose, ntibishoboka ko wakwirinda ingorane mu gihe utazi n’izo ari zo. Ni yo mpamvu, mbere y’uko ushyiraho ingamba zo kurinda umutekano w’amakuru, ugomba kubanza ugakora isuzuma ry’ibyateza ingorane ku makuru kugira ngo ikigo cyawe kimenye ingorane gifite. Ibi biguhesha ubushobozi bwo kubikemura mu buryo bwizweho neza, butanga umusaruro kandi budahenze.
Birumvikana, agaciro k’amakuru karatandukanye kuva ku y’ingenzi cyane mu bucuruzi kugeza ku makuru afite umumaro muto n’atawufite ubwo rero isuzuma ry’ibyateza ingorane ku makuru rikorwa kugira ngo ribigutandukanyirize.
Ibigenderwaho mu isuzuma
Isuzuma ry’umutungo w’amakuru afitwe n’umuryango rigendera ku bintu bitatu bikurukira:
- Ibanga
Ibanga ry’amakuru nk’abakozi cyangwa amakuru ku mishahara, imari, amakuru ku bakiriya n’umutungo mu by’ubwenge. Urugero, niba amakuru bwite y’abakozi cyangwa abakiriya agize ikibazo, ibi byafatwa nko kwica amategeko ajyanye no kurinda amakuru.
- Ubunyangamugayo
Ubunyangamugayo mu makuru agomba kuba ari ukuri kandi akaguma uko kugira ngo iby’ingenzi ku kigo bigumeho, nk’amakuru ajyanye no guhimba no gutunganya, amakuru ajyanye n’ubuzima bw’ibikorwa byose & umutekano cyangwa raporo z’imari ku bigo biri ku isoko ry’imari n’imigabane. Urugero, uwo muhanganye cyangwa umukozi utishimye abonye uko abona amakuru kandi akayahindura, ingaruka zaba nini cyane.
- Kuboneka
Kuboneka kw’amakuru igihe akenewe, nk’ifishi igaragaza amasaha abakozi bakoze ku mpera z’ukwezi, cyangwa amakuru y’imikorere y’ishami ry’ibikorwa mu mibyizi saa 8.00 z’igitondo kugeza saa 6.00 z’umugoroba, ibyumweru 50 ku mwaka. Niba aya makuru ataboneka muri iki gihe, hashobora kuvuka ikibazo. Urugero, niba ifishi igaragaza amasaha abakozi bakoreyeho idashobora kuboneka, abakozi bashobora kudahembwa.
Ijambo ry’impine ‘CIA’ rituma kubyibuka byoroha.
Mu gihe cyo gusesengura amakuru, ugereranye ingorane zavuka igihe amakuru atubahirije ziriya ngingo zikubiye muri CIA, n’urwego rw’ubukana bw’ingaruka.
Gusesengura ingaruka ku bucuruzi
Guhera ku isesengurwa ry’amakuru, uzabona amakuru yagufasha gukora isesengura ku ngaruka ku kigo cyawe, rikwereke ingorane zijyanye n’ingaruka, byaba iby’imari, abakozi, ibikoresho cyangwa izina.
Gukora ibi, bigufasha gucunga izo ngorane mu buryo bubereye umuryango wawe uhitamo kandi ubihuza n’ingamba zo kwikura mu kibazo zitanga umusaruro kurusha izindi nk’imwe mu ngamba yo kurinda umutekano w’amakuru. Ibi bikubiyemo ubusesenguzi ku giciro cy’ingamba zo kwikura mu kibazo kijyanye n’uburemere bw’ingorane zije kugabanyiriza ubukana. Gushyiraho ingamba zifatika ntibitanga icyizere ko hashobora kuboneka umuntu utemerewe kugera ku makuru, ufite impamvu zifatika n’umurava uzananirwa kugera ku makuru yumva akeneye.
Birumvikana, biterwa n’uko nta ngamba zo kwikura mu kibazo zashyiriweho kurwanya ingorane zimwe na zimwe, ariko nibura uzaba ufite amakuru ku ngaruka.
Amasesengura ku ngorane mu makuru agomba gukorwa kenshi kandi mu gihe kizwi, cyangwa kugira ngo bihuzwe n’ubwoko bw’amakuru ahari, uburyo ubucuruzi buteye ndetse bunerekana uko ingorane zihagaze.