Inyerezwa ry’Ubwishyu cyangwa “mandate fraud” riba igihe wowe cyangwa umukozi wawe mushutswe mugahindura uburyo bwo kwishyura bwari busanzwe (nko kohereza amafaranga ku muntu uberewemo umwenda, amafaranga akatwa buri gihe, n’ayoherezwa kuri banki), kwiyita ikigo kikugemurira, aho muri umunyamuryango cyangwa ikigo mufitemo ifatabuguzi mwishyuraga buri gihe.
Ibyago bishoboka
· Ikigo cyawe gihamagarwa n’umuntu wiyitirira usanzwe abagemurira, maze akabasaba guhindura uburyo mwoherezagamo amafaranga kuri konti, ayo mwoherezaga buri gihe, cyangwa amabwiriza ajyanye no kohereza amafaranga kuri banki akabaha konti nshya ya banki byakorerwaho. Ntuzigera umenya ko ari uburiganya keretse umunsi umuntu ukugemurira nyir’izina aguhamagaye akakubwira ko amafaranga wamwohererezaga buri gihe ataramugeraho, cyangwa ko ibicuruzwa cyangwa serivisi atarabihabwa.
· Uzakira email, ibaruwa cyangwa uhamagarwe n’icapiro, serivisi z’amakuru, cyangwa ahandi ufite ifatabuguzi, bakumenyesha ko bahinduye konti yo kwishyuriraho. Ntuzamenya ko ari uburiganya keretse igihe uboneye ko utari kwakira ibicuruzwa cyangwa serivisi wishyuriye, harimo na serivisi zo kuri internet nk’ibitangazamakuru cyangwa amakuru.
· Banki yawe yo kuri internet yatewe mu buryo butemewe n’amategeko n’abakora uburiganya n’amakuru ajyanye no kwishyura yahinduwe kugira ngo ubwishyu bujye bwoherezwa kuri konti y’uriganya.
Rinda ikigo cyawe inyerezwa ry’ubwishyu
– Buri gihe ujye usuzuma ubusabe bwo guhindura uburyo bwo kwishyura ikigo kigusaba ukoresheje nimero zabo uba usanzwe ufite.
– Niwumva udashiriye amakenga umuntu uguhamagaye, kupa noneho uhamagare cya kigo ukoresheje nimero zabo uba usanzwe ufite.
– Ntukigere usiga inyemezabuguzi, amakuru ajyanye n’ibyo usanzwe wishyura cyangwa amakuru ameze nk’ayo ahantu abandi bantu babona.
– Reba raporo y’imari witonze kandi umenyeshe banki yawe ikintu cyose ubona kidasobanutse.
– Ukore ku buryo abo mukorana, cyane cyane abari mu ishami ry’imari, baba bafite amakuru kuri izi ngorane.
Niba ukeka ko wakorewe inyerezwa ry’ubwishyu cyangwa hari uwagerageje kurigukorera
– Hita umenyesha banki yawe ako kanya ukimara kubona ibintu bidasanzwe kuri konti yawe cyangwa uri gukeka ko Inyerezwa ry’ Ubwishyu ryabaye.
– Menyesha ikigo uwo muntu ari kwiyitirira.
– Niba uburiganya bwakozwe, bimenyeshe polisi.